SIR विवाद: ಎಲ್ಲ ನಿರ್ಣಯಗಳು ಸರ್ವಸಮ್ಮತಿಯಿಂದ ಆಗಿವೆ ಎಂದು ಚುನಾವಣಾ ಆಯೋಗ

ವಿಶೇಷ ತೀವ್ರ ಪರಿಶೀಲನೆ (SIR) ವಿವಾದದ ಕುರಿತ ಮಾಧ್ಯಮ ವರದಿಗೆ ಪ್ರತಿಕ್ರಿಯಿಸಿರುವ ಚುನಾವಣಾ ಆಯೋಗ, ಕಳೆದ ಒಂದು ವರ್ಷದಲ್ಲಿ ತೆಗೆದುಕೊಂಡ ಎಲ್ಲ ಅಂತಿಮ ನಿರ್ಣಯಗಳು ಸರ್ವಸಮ್ಮತಿಯಿಂದ ಆಗಿವೆ ಎಂದು ಸ್ಪಷ್ಟಪಡಿಸಿದೆ. ಚುನಾವಣಾ ಆಯುಕ್ತರಾದ ಸುಖಬೀರ್ ಸಿಂಗ್ ಸಂಧು ಮತ್ತು ವಿವೇಕ್ ಜೋಶಿ ಕೆಲ ನಿರ್ಣಯಗಳಿಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ ಎಂಬ ವರದಿ ಹೊರಬಂದ ಬಳಿಕ ಆಯೋಗ 8 ಅಂಶಗಳಲ್ಲಿ ಉತ್ತರ ನೀಡಿದೆ. ವಿಪಕ್ಷಗಳು ಮುಖ್ಯ ಚುನಾವಣಾ ಆಯುಕ್ತರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿವೆ.