ബാലൻ ദി ബോയ്: ബസ് സ്റ്റോപ്പ് സെറ്റ് പൊളിക്കാതെ നിലനിർത്തി

ചിദംബരം സംവിധാനം ചെയ്ത 'ബാലൻ ദി ബോയ്' എന്ന ചിത്രത്തിലെ പ്രധാന ലൊക്കേഷനായ ബസ് സ്റ്റോപ്പ് സെറ്റ് ഷൂട്ടിന് ശേഷം പൊളിച്ചുനീക്കരുതെന്ന് നാട്ടുകാർ ആവശ്യപ്പെട്ടിരുന്നതായി കലാസംവിധായകൻ അജയൻ ചാലിശ്ശേരി. വയനാട്ടിൽ വന്യമൃഗശല്യമുള്ള പ്രദേശത്ത് കുട്ടികൾ ബസ് കയറുന്ന സ്ഥലമായതിനാൽ സെറ്റ് നിലനിർത്താൻ പ്രൊഡക്ഷൻ ടീം തീരുമാനിക്കുകയായിരുന്നു. ഫോറസ്റ്റ് നിയമപ്രകാരം സ്ഥലം പൂർവസ്ഥിതിയിലാക്കണമെന്നുണ്ടായിരുന്നെങ്കിലും നാട്ടുകാർ തന്നെ അത് പരിപാലിക്കാമെന്ന് ഉറപ്പുനൽകി.