ಸಿಎಂ ಹಿಮಂತ ಬಿಸ್ವಾ ಸರ್ಮಾ ಅವರ ನಕಲಿ ಎಐ ಚಿತ್ರ ಪ್ರಕರಣ: ಎಫ್ಐಆರ್ ದಾಖಲು

ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಸರ್ಮಾ ಅವರ ನಕಲಿ, ಎಐ ತಂತ್ರಜ್ಞಾನದಿಂದ ಸೃಷ್ಟಿಸಿದ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ ಹಿನ್ನೆಲೆಯಲ್ಲಿ ಅಸ್ಸಾಂ ಸಿಎಂ ಕಚೇರಿ ಎಫ್ಐಆರ್ ದಾಖಲಿಸಿದೆ. ಚಿತ್ರ ಸಂಪೂರ್ಣ ನಕಲಿ ಮತ್ತು ವಾಸ್ತವಕ್ಕೆ ಸಂಬಂಧವಿಲ್ಲದ್ದು ಎಂದು ಸಿಎಂ ಕಚೇರಿ ಸ್ಪಷ್ಟಪಡಿಸಿದೆ. ಈ ಚಿತ್ರವನ್ನು ಸೃಷ್ಟಿಸಿ ಹರಡಿದವರನ್ನು ಗುರುತಿಸಲಾಗಿದ್ದು, ಕಾನೂನು ಕ್ರಮ ಜರುಗಿಸಲಾಗುತ್ತಿದೆ. ಸಾಮಾಜಿಕ ಜಾಲತಾಣ ಬಳಕೆದಾರರು ಮಾಹಿತಿ ಪರಿಶೀಲಿಸಿ ಹಂಚಿಕೊಳ್ಳುವಂತೆ ಸಿಎಂ ಕಚೇರಿ ಮನವಿ ಮಾಡಿದೆ.