नव्या क्रीडा धोरणातील 'तीन ऑलिम्पिक' निकषावर खेळाडूंचा संताप

महाराष्ट्राच्या नव्या क्रीडा धोरणातील '२००५ नंतरच्या सलग तीन ऑलिम्पिकमध्ये खेळ समाविष्ट असणे' हा निकष खेळाडूंच्या ५ टक्के आरक्षणाला अडसर ठरत आहे. स्केटबोर्डिंग, सर्फिंग, स्पोर्ट्स क्लायंबिंगसारख्या नव्या ऑलिम्पिक खेळांना हा निकष लागू होत नाही, त्यामुळे होतकरू खेळाडू वंचित राहत आहेत. महाराष्ट्र ऑलिम्पिक असोसिएशनने धोरणाचा पुनर्विचार करण्याची मागणी केली आहे.