ಏರ್ ಇಂಡಿಯಾ ಶುಲ್ಕ ಏರಿಕೆ: ಅಂತಾರಾಷ್ಟ್ರೀಯ ವಿಮಾನಗಳಿಗೆ 17,800 ರೂ.ವರೆಗೆ ಹೆಚ್ಚು

ಏರ್ ಇಂಡಿಯಾ ಮತ್ತು ಏರ್ ಇಂಡಿಯಾ ಎಕ್ಸ್ಪ್ರೆಸ್ ಜೆಟ್ ಇಂಧನ ದರ ಏರಿಕೆಯ ಹಿನ್ನೆಲೆಯಲ್ಲಿ ಇಂಧನ ಹೆಚ್ಚುವರಿ ಶುಲ್ಕವನ್ನು ಹೆಚ್ಚಿಸಿವೆ. ಹೊಸ ದರಗಳು ಅಕ್ಟೋಬರ್ 9ರ ಮಧ್ಯರಾತ್ರಿಯಿಂದ ಜಾರಿಗೆ ಬರಲಿವೆ. ದೇಶೀಯ ವಿಮಾನಗಳಿಗೆ 1,200 ರೂ.ವರೆಗೆ, ಅಂತಾರಾಷ್ಟ್ರೀಯ ವಿಮಾನಗಳಿಗೆ 17,800 ರೂ.ವರೆಗೆ ಹೆಚ್ಚುವರಿ ಶುಲ್ಕ ವಿಧಿಸಲಾಗುತ್ತದೆ. ಏಳು ತಿಂಗಳಲ್ಲಿ ಏರ್ ಇಂಡಿಯಾ ಮೂರನೇ ಬಾರಿ ಶುಲ್ಕ ಏರಿಸಿದೆ. ಇಂಡಿಗೋ ಕೂಡ ಇತ್ತೀಚೆಗೆ ದರ ಹೆಚ್ಚಿಸಿತ್ತು.