ತುಮಕೂರು ದಸರಾದಲ್ಲಿ ಕಾಡುಗೊಲ್ಲರ ಅಲಗು ಕುಣಿತ ಪ್ರದರ್ಶನ

ತುಮಕೂರು ದಸರಾ ಸಾಂಸ್ಕೃತಿಕ ಉತ್ಸವದಲ್ಲಿ ಕಾಡುಗೊಲ್ಲ ಬುಡಕಟ್ಟು ಸಂಸ್ಕೃತಿಯ ಅನನ್ಯ ಕಲೆ 'ಅಲಗು ಕುಣಿತ' ಪ್ರದರ್ಶನವು ಪ್ರೇಕ್ಷಕರ ಮನಸೂರೆಗೊಂಡಿತು. ಮಧುಗಿರಿ ತಾಲೂಕಿನ ಬಸವನಹಳ್ಳಿ ಗೊಲ್ಲರಹಟ್ಟಿ ಗ್ರಾಮದ ಪಿಡಿಓ ಬೋರಣ್ಣನವರ ತಂಡದ ಜಾನಪದ ಕಲಾವಿದರು ಈ ಪ್ರದರ್ಶನ ನೀಡಿದರು. ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ಸಿಂಡಿಕೇಟ್ ಸದಸ್ಯ ಹಾಗೂ ಜಾನಪದ ಕಲಾವಿದ ಮೋಹನ್ ಕುಮಾರ್ ಅವರ ನೇತೃತ್ವದಲ್ಲಿ ಈ ಕಾರ್ಯಕ್ರಮ ಜರುಗಿತು. ಜೊತೆಗೆ ಮನೆವು ಕುಣಿತ, ಕೋಲಾಟ ಮತ್ತು ದೇವರು ಕುಣಿತ ಪ್ರದರ್ಶನಗೊಂಡವು.