उन्हाळ्यात डिहायड्रेशनमुळे मधुमेहाचा धोका वाढतो

डॉ. राजेश देशमाने यांच्या मते, उन्हाळ्यात शरीरातील पाण्याचे प्रमाण कमी झाल्यास रक्तातील साखरेची पातळी वाढू शकते. डिहायड्रेशनमुळे किडनीवर ताण येतो आणि साखर शरीरात साचून राहते. मधुमेही रुग्णांनी दिवसातून किमान तीन-चार लीटर पाणी प्यावे, साखर मोजत राहावी आणि तहान लागण्याची वाट पाहू नये, असे आवाहन तज्ज्ञांनी केले आहे.