ఏపీలో ఆరు జిల్లాలకు ముందస్తు పెన్షన్లు

ఆంధ్రప్రదేశ్ ప్రభుత్వం ఆగస్టు 1న అందాల్సిన సామాజిక పింఛన్లను ఈసారి ముందుగానే పంపిణీ చేయాలని నిర్ణయించింది. ప్రధాని మోదీ భోగాపురం విమానాశ్రయం ప్రారంభోత్సవానికి హాజరయ్యే కార్యక్రమం కారణంగా ఈ మార్పు చేశారు. శ్రీకాకుళం, విజయనగరం, విశాఖపట్నం, అనకాపల్లి, అల్లూరి సీతారామరాజు, పార్వతీపురం మన్యం జిల్లాల్లోని 12 లక్షలకు పైగా లబ్ధిదారులకు జూలై 30న నగదు అందించాలని ఆదేశాలు జారీ చేశారు.