રવનીત બિટ્ટુએ કેન્દ્રીય મંત્રીપદ પરથી રાજીનામું આપ્યું

કેન્દ્રીય રેલવે રાજ્ય મંત્રી રવનીત સિંહ બિટ્ટુએ પોતાના પદ પરથી રાજીનામું આપી દીધું છે. રાષ્ટ્રપતિ દ્રૌપદી મુર્મૂએ વડાપ્રધાન નરેન્દ્ર મોદીની સલાહ પર આ રાજીનામું તાત્કાલિક અસરથી સ્વીકારી લીધું છે. અટકળો છે કે તેઓ આગામી વર્ષે પંજાબ વિધાનસભા ચૂંટણી લડવાની તૈયારી કરી રહ્યા છે. ઉલ્લેખનીય છે કે તેમનો રાજ્યસભાનો કાર્યકાળ 21 જૂને પૂરો થયો હતો અને ભાજપે તેમને ફરીથી ઉમેદવાર નહોતા બનાવ્યા. બિટ્ટુ પંજાબના પૂર્વ મુખ્યમંત્રી બેઅંત સિંહના પૌત્ર છે અને તાજેતરમાં કોંગ્રેસ છોડીને ભાજપમાં જોડાયા હતા.