మోదీ బెదిరింపు వీడియోలు ఫేక్: పీఐబీ వెల్లడి

ఢిల్లీలో నిరసనకారులను ఉద్దేశించి ప్రధాని నరేంద్ర మోదీ బెదిరింపులకు దిగుతున్నట్లు సోషల్ మీడియాలో వైరల్ అవుతున్న వీడియోలు పూర్తిగా ఫేక్ అని పీఐబీ ఫ్యాక్ట్ చెక్ విభాగం తేల్చింది. పాకిస్థాన్ ప్రచార ఖాతాలు ఏఐ టెక్నాలజీతో డిజిటల్ మార్ఫింగ్ చేసి ఈ వీడియోలను సృష్టించినట్లు వెల్లడించింది. కేంద్ర మంత్రి పీయూష్ గోయల్ కూడా తన ఉపన్యాసాలను వక్రీకరించిన ఫేక్ వీడియోలపై పోలీసులకు ఫిర్యాదు చేశారు.