பெற்றோரின் சிபில் ஸ்கோரால் மாணவர்களுக்கு கல்விக்கடன் மறுப்பு

தமிழ்நாட்டில், பெற்றோரின் சிபில் (CIBIL) ஸ்கோர் மற்றும் கடன் வரலாற்றைக் காரணம் காட்டி வங்கிகள் மாணவர்களுக்கு கல்விக்கடன் வழங்க மறுப்பதாக பரவலான குற்றச்சாட்டு எழுந்துள்ளது. பொருளாதாரத்தில் பின்தங்கிய குடும்பங்களைச் சேர்ந்த மாணவர்கள் இதனால் உயர்கல்வியைத் தொடர முடியாத நிலைக்குத் தள்ளப்பட்டுள்ளனர். இந்திய ரிசர்வ் வங்கி மற்றும் இந்திய வங்கிகள் சங்கத்தின் வழிகாட்டுதல்களின்படி, மாணவரே முதன்மைக் கடன் பெறுபவராகக் கருதப்பட வேண்டும் எனினும், நடைமுறையில் பல வங்கிகள் பெற்றோரின் கடன் தகுதியை முக்கியமாகக் கொள்கின்றன.