ગુજરાતમાં અતિભારે વરસાદની આગાહી, અનેક જિલ્લાઓમાં એલર્ટ

હવામાન વિભાગે ગુજરાતમાં બે સક્રિય વરસાદી સિસ્ટમના કારણે ઉત્તર, મધ્ય અને દક્ષિણ ગુજરાતના અનેક જિલ્લાઓમાં 25 જુલાઈએ અતિભારે વરસાદની આગાહી કરી છે. બનાસકાંઠા, પાટણ, મહેસાણા, ખેડા, અમદાવાદ સહિતના જિલ્લાઓમાં ઓરેન્જ અને રેડ એલર્ટ જાહેર કરાયા છે. માછીમારોને દરિયો ન ખેડવાની સૂચના આપવામાં આવી છે. સ્થાનિક તંત્રને સતર્ક રહેવા કહેવાયું છે.