कच्च्या तेलाचा साठा वाढवण्यास सरकारची मंजुरी

जागतिक तणाव आणि पुरवठ्यातील अडथळ्यांच्या पार्श्वभूमीवर भारत सरकारने ओडिशा आणि कर्नाटकात ६५ लाख टन क्षमतेचे सामरिक तेलसाठे उभारण्यास मंजुरी दिली आहे. ओडिशातील चांदीखोल येथे ४० लाख टन आणि कर्नाटकातील पाडूर येथे २५ लाख टन क्षमतेचे जमिनीखालील साठे तयार होतील. हा प्रकल्प सार्वजनिक-खासगी भागीदारीतून राबवला जाणार असून, त्यासाठी १४,५२७ कोटी रुपये खर्च अपेक्षित आहे. यामुळे इंधन टंचाईचा धोका कमी होऊन ऊर्जा सुरक्षा वाढेल.