യുഎഇയിൽ അഞ്ചിൽ ഒരു ജോലി പുതിയത്; എഐയും റോബോട്ടിക്സും തൊഴിൽ രംഗം മാറ്റും

യുഎഇയിൽ ഭാവിയിൽ അഞ്ച് ജോലികളിൽ ഒന്ന് (20%) പൂർണമായും പുതിയ തൊഴിൽ വിഭാഗങ്ങളായിരിക്കുമെന്ന് ഉന്നത വിദ്യാഭ്യാസ ശാസ്ത്ര ഗവേഷണ മന്ത്രാലയം അറിയിച്ചു. എഐ, റോബോട്ടിക്സ്, നാലാം വ്യവസായ വിപ്ലവം എന്നിവ തൊഴിൽ രംഗത്ത് വൻ മാറ്റങ്ങൾ വരുത്തും. റോബോട്ടിക്സ് ഓപ്പറേഷൻസ് സൂപ്പർവൈസർ, എഐ സിസ്റ്റംസ് ക്വാളിറ്റി അഷ്വറൻസ് ടെക്നീഷ്യൻ തുടങ്ങിയ പുതിയ ജോലികൾ ഉയർന്നുവരും. നിലവിലെ 87% ജോലികൾക്കും ആവശ്യകത വർധിക്കുമെന്നും 13% കുറയുമെന്നും റിപ്പോർട്ട് പറയുന്നു.