ગુજરાતમાં નવી બે વરસાદી સિસ્ટમ સક્રિય, રેડ એલર્ટ જાહેર

ગુજરાતમાં બે સક્રિય વરસાદી સિસ્ટમના કારણે ઉત્તર ગુજરાતના બનાસકાંઠા, મહેસાણા, સાબરકાંઠા અને પાટણ જિલ્લામાં રેડ એલર્ટ જાહેર કરાયું છે. રાજ્યના અન્ય ભાગોમાં ઓરેન્જ અને યલો એલર્ટ આપવામાં આવ્યા છે. છેલ્લા 24 કલાકમાં 204 તાલુકામાં વરસાદ નોંધાયો છે, જેમાં વલસાડના કપરાડામાં સૌથી વધુ 5.5 ઈંચ વરસાદ પડ્યો છે. ભારે પવન અને વાવાઝોડાની આગાહી સાથે નીચાણવાળા વિસ્તારોમાં રહેતા લોકોને સાવચેત રહેવા સૂચના આપવામાં આવી છે.