भटक्या कुत्र्याच्या हल्ल्यात बालकाचा रेबीजने मृत्यू

सोलापुरातील भवानी पेठ परिसरात भटक्या कुत्र्यांच्या हल्ल्यात जखमी झालेल्या समर्थ स्वामी या चिमुकल्याचा रेबीजमुळे उपचारादरम्यान मृत्यू झाला. स्थानिक नगरसेवक राजकुमार पाटील यांनी पीडित कुटुंबाला आर्थिक मदत व घटनेची चौकशी करण्याची मागणी केली आहे. शहर आरोग्य अधिकारी डॉ. राखी माने यांनी सोमवारी कुटुंबीयांची भेट घेणार असल्याचे सांगितले. नागरिकांनी भटक्या कुत्र्यांच्या उपद्रवावर कायमस्वरूपी उपाययोजना करण्याची मागणी केली आहे.