பொதுத் தேர்வுகளில் மோசடி தடுப்பு மசோதா இன்று அறிமுகம்

மத்திய அரசு பொதுத் தேர்வுகளில் மோசடி தடுப்புச் சட்டத்தை கடுமையாக்கும் வகையில் 2026ஆம் ஆண்டு திருத்த மசோதாவை இன்று மக்களவையில் தாக்கல் செய்யவுள்ளது. அமைச்சர் டாக்டர் ஜிதேந்திர சிங் மசோதாவை அறிமுகப்படுத்த அனுமதி கோருவார். தற்போதைய சட்டத்தில் குறைந்தபட்ச சிறைத்தண்டனை 3 ஆண்டுகளிலிருந்து 5 ஆண்டுகளாகவும், அதிகபட்சம் 5 ஆண்டுகளிலிருந்து 10 ஆண்டுகளாகவும் உயர்த்தப்படுகிறது. அபராதம் ரூ.10 லட்சத்திலிருந்து ரூ.50 லட்சமாக உயர்கிறது. சேவை வழங்குநர்களுக்கு ரூ.5 கோடி அபராதமும் 8 ஆண்டுகள் தடையும் விதிக்கப்படும். ஒருங்கிணைந்த மோசடி வழக்குகளுக்கு குறைந்தபட்சம் 7 ஆண்டுகள் சிறை மற்றும் ரூ.10 கோடி அபராதம் விதிக்கப்படும். விசாரணையை விரைவுபடுத்த சிறப்புப் பணிக்குழு அமைக்கவும் மசோதா வழி செய்கிறது.