डॉ. सप्तर्षी यांचे विचार जपण्याचे शरद पवारांचे आवाहन

ज्येष्ठ समाजवादी नेते डॉ. कुमार सप्तर्षी यांच्या श्रद्धांजली सभेत शरद पवार यांनी त्यांचे विचार अखंडपणे जपण्याचे आवाहन केले. महाराष्ट्र गांधी स्मारक निधी, यशवंतराव चव्हाण प्रतिष्ठान आणि युक्रांद यांच्या संयुक्त विद्यमाने आयोजित या सभेत पवार म्हणाले की, सप्तर्षींनी दुष्काळी भागातील तरुणांमध्ये आत्मविश्वास निर्माण करण्यासाठी व शेतकऱ्यांना फायदेशीर पिकांसाठी प्रेरित करण्यासाठी अविरत कार्य केले. आणीबाणीच्या काळात त्यांनी कार्यकर्त्यांच्या कुटुंबांची जबाबदारी सांभाळली.