परभणीत नर बोकड देतो दूध; दुर्मिळ विकृतीची तपासणी

परभणी जिल्ह्यातील गौंडगाव येथे शेळीपालक विठ्ठल कुकडे यांच्या दीड वर्षांच्या उस्मानाबादी बोकडामध्ये नर असताना दूध देण्याची दुर्मिळ नैसर्गिक विकृती आढळली. हा बोकड रोज अर्धा ते पाऊण लिटर दूध देत असून त्याला वेदना होत नाहीत. पशुवैद्यकीय महाविद्यालयाच्या तज्ज्ञांनी तपासणी करून रक्त व दुधाचे नमुने घेतले असून टेस्टोस्टेरॉन पातळी कमी असल्याचे प्राथमिक निष्कर्षात दिसून आले आहे. दूध सुरक्षित असल्याचे स्पष्ट होईपर्यंत सेवन न करण्याचा सल्ला देण्यात आला आहे.