வினாத்தாள் கசிவுக்கு கடும் தண்டனை: புதிய மசோதா

மத்திய அரசு, போட்டித் தேர்வுகளில் வினாத்தாள் கசிவு மற்றும் முறைகேடுகளை தடுக்கும் வகையில், ‘பொதுத் தேர்வுகள் (முறைகேடுகள் தடுப்பு) திருத்த மசோதா 2026’ஐ மக்களவையில் தாக்கல் செய்துள்ளது. புதிய மசோதாவின்படி, தனிநபர்களுக்கான சிறைத்தண்டனை 5 முதல் 10 ஆண்டுகளாகவும், அபராதம் ₹50 லட்சம் வரையிலும் உயர்த்தப்பட்டுள்ளது. திட்டமிட்ட கும்பல் குற்றங்களுக்கு குறைந்தபட்சம் 7 ஆண்டுகள் சிறையும், ₹10 கோடி வரை அபராதமும் விதிக்கப்படும். விசாரணையை விரைவுபடுத்த 2 மாதங்களில் விசாரணை முடிக்க வேண்டும்; சிறப்பு விரைவு நீதிமன்றங்கள் அமைக்கப்படும்.