ஈரானுடன் பேச்சு தோல்வியுற்றால் கடும் இராணுவ நடவடிக்கை: டிரம்ப்

ஈரானுடனான பேச்சுவார்த்தை தோல்வியடைந்தால், அமெரிக்கா 'மிகவும் கடுமையான இராணுவ நடவடிக்கை' எடுக்கத் தயாராக இருப்பதாக ஜனாதிபதி டொனால்ட் டிரம்ப் எச்சரித்துள்ளார். ஹோர்முஸ் ஜலசந்தியை மீண்டும் திறப்பதற்கும் அணு ஒப்பந்தப் பேச்சுக்களை மீட்டெடுப்பதற்குமான பேச்சு முயற்சிகளுக்கு வாய்ப்பளிக்கும் வகையில் திட்டமிட்ட தாக்குதல்களை இடைநிறுத்தியதாக அவர் கூறினார். இருப்பினும், பேச்சு தோல்வியுற்றால் விரைவில் இராணுவ நடவடிக்கை எடுக்கப்படும் என டிரம்ப் தெளிவுபடுத்தினார். மத்திய கிழக்கில் பதட்டங்கள் அதிகரித்து வரும் நிலையில், இஸ்ரேல் பிரதமர் நெதன்யாகுவுடன் வெள்ளை மாளிகையில் நடைபெறவுள்ள சந்திப்பிலும் ஈரான் பிரச்சினை முக்கிய விவாதப் பொருளாக இருக்கும்.