తత్కాల్ టికెట్ బుకింగ్‌లో కొత్త టోకెన్ విధానం

ఆగస్టు 1 నుంచి భారతీయ రైల్వే తత్కాల్ టికెట్ బుకింగ్ నియమాలు మారనున్నాయి. వెస్ట్ సెంట్రల్ రైల్వే కౌంటర్లలో టోకెన్ సిస్టమ్ అమల్లోకి వస్తుంది. ఏసీ తత్కాల్‌కు ఉదయం 8:30-9:00, నాన్-ఏసీకి 9:00-9:30 వరకు టోకెన్లు జారీ చేస్తారు. ఒక్కో విండోకు 10 ఏసీ, 15 నాన్-ఏసీ టోకెన్లు మాత్రమే. కేటగిరీ ఏ (స్వయం/కుటుంబం)కు ప్రాధాన్యం ఇవ్వనుంది. టోకెన్ బదిలీ చేయడానికి వీల్లేదు. దళారీల నియంత్రణకు ఈ చర్య దోహదపడుతుంది.