ग्रँटरोड स्कायवॉकवर नवीन सरकते जिने बसवणार

ग्रँटरोड नाना चौकातील स्कायवॉकवर बंद पडलेल्या दोन सरकत्या जिन्यांच्या जागी नवीन जिने बसवले जाणार आहेत. यासाठी मुंबई महापालिकेने ४.१६ कोटी रुपयांचा निधी मंजूर केला असून, मेसर्स कॅलिस्टो ग्लोबल प्रा. लि. या कंपनीला कंत्राट देण्यात आले आहे. नागरिकांच्या तक्रारी आणि महापालिका आयुक्तांच्या पाहणीनंतर हा निर्णय घेण्यात आला. नवीन सरकत्या जिन्यांवर टॉप कव्हरिंग शेडची सुविधा असेल, ज्यामुळे ज्येष्ठ नागरिक, शाळकरी मुले आणि दिव्यांगांना सुलभ प्रवास होईल.