ബെംഗളൂരു പീന്യ ഫ്ലൈഓവറിൽ രാത്രി ഗതാഗത നിയന്ത്രണം ഓഗസ്റ്റ് 5 വരെ

ബെംഗളൂരു പീന്യ ഫ്ലൈഓവറിൽ എൻഎച്ച്എഐയുടെ ബിറ്റുമിനസ് ഓവർലേ ജോലികൾക്കായി രാത്രി ഗതാഗത നിയന്ത്രണം ഏർപ്പെടുത്തി. ജൂലൈ 27 മുതൽ ഓഗസ്റ്റ് 5 വരെ തിങ്കൾ മുതൽ വെള്ളി വരെ രാത്രി 10 മുതൽ പുലർച്ചെ 5 വരെയും ശനി, ഞായർ ദിവസങ്ങളിൽ അർധരാത്രി 12 മുതൽ പുലർച്ചെ 5 വരെയുമാണ് നിയന്ത്രണം. കെൻനമെറ്റൽ വിഡിയ അപ്പർ റാംപ് മുതൽ എസ്ആർഎസ് ഡൗൺ റാംപ് വരെയുള്ള ഭാഗത്ത് ഗതാഗതം നിയന്ത്രിച്ചിരിക്കുന്നു. ബദൽ പാതകളും അധികൃതർ നിർദേശിച്ചിട്ടുണ്ട്.