પાંચ હવામાન પ્રણાલીઓ ગુજરાતમાં ભારે વરસાદની આગાહી

આગામી સાત દિવસમાં ગુજરાતમાં વ્યાપક વરસાદની સંભાવના છે. ભારતીય હવામાન વિભાગ (IMD) અનુસાર, પાંચ સક્રિય હવામાન પ્રણાલીઓના કારણે 3 ઓગસ્ટ સુધી અનેક જિલ્લાઓમાં ભારેથી અતિભારે વરસાદ પડી શકે છે. બંગાળની ખાડીના ઉત્તરપૂર્વ ભાગમાં ઊંડો ડિપ્રેશન, મોસમી ગર્તા અને ચક્રવાતી પરિભ્રમણોને કારણે ભેજવાળા પવનો વરસાદ વધારશે. મંગળવારે પંચમહાલ, મહીસાગર, દાહોદમાં અતિભારે અને ઉત્તર-મધ્ય ગુજરાતમાં ભારે વરસાદની આગાહી છે. બુધવારથી દક્ષિણ ગુજરાતમાં તીવ્ર વરસાદ થવાની શક્યતા છે.