उत्तराखंडमध्ये मुसळधार पाऊस; चारधाम यात्रा दोन दिवस स्थगित

उत्तराखंडमध्ये मुसळधार पावसामुळे हाहाकार माजला आहे. यात्रेकरूंच्या सुरक्षेसाठी २८ आणि २९ जुलै रोजीची चारधाम यात्रा पुढे ढकलण्यात आली आहे. गढवालचे आयुक्त आनंद स्वरूप यांनी हा निर्णय जाहीर केला. हवामान खात्याने अनेक जिल्ह्यांसाठी मुसळधार पावसाचा इशारा दिला आहे. मालदेवता येथे २३३ मिमी पावसाची नोंद झाली. भूस्खलन आणि रस्ते बंद झाल्याने प्रशासन सतर्क आहे.