नाशिकमध्ये पुन्हा भूकंपाचे सौम्य धक्के

नाशिक जिल्ह्यातील दिंडोरी, पेठ आणि सुरगाणा तालुक्यात मंगळवारी पुन्हा भूकंपाचे सौम्य धक्के बसले, त्यामुळे नागरिकांमध्ये भीतीचे वातावरण पसरले आहे. दिंडोरीतील वारे आणि वनारे, पेठतील पवारपाडा व गावानपाडा, तर सुरगाणातील बोरगाव परिसरात हे धक्के जाणवले. मागील तीन दिवसांपासून ही मालिका सुरू आहे. माजी आमदार महाले यांनी भूकंप मापक यंत्रणा बसविण्याची मागणी केली आहे.