శ్రీశైలానికి కృష్ణమ్మ జలాలు

ఎగువ ప్రాంతాల్లో కురుస్తున్న భారీ వర్షాలతో కర్ణాటకలోని ఆల్మట్టి, నారాయణపూర్ ప్రాజెక్టులు నిండి, 80 వేల క్యూసెక్కుల మిగులు నీటిని దిగువకు విడుదల చేస్తున్నాయి. ఈ నీరు తెలంగాణలోని జూరాల ప్రాజెక్టుకు చేరి, అక్కడి నుంచి 37 వేల క్యూసెక్కుల ప్రవాహంగా శ్రీశైలం జలాశయానికి చేరుతుందని అధికారులు అంచనా వేస్తున్నారు. ఇది రెండు తెలుగు రాష్ట్రాల తాగు, సాగునీటి అవసరాలకు ఊరటనిస్తుంది.