चंद्रपूरला दोन दिवस रेड अलर्ट, शाळांना सुट्टी

चंद्रपूर जिल्ह्यात मुसळधार ते अतिमुसळधार पावसाचा रेड अलर्ट जारी करण्यात आला आहे. सुरक्षेच्या दृष्टीने जिल्हाधिकाऱ्यांनी आज सर्व अंगणवाड्या, प्राथमिक व माध्यमिक शाळा आणि महाविद्यालयांना सुट्टी जाहीर केली आहे. विजांच्या कडकडाटासह वादळी वारे वाहण्याची शक्यता आहे. रेड अलर्ट दोन दिवसांसाठी असल्याने नागरिकांना सतर्क राहण्याचे आवाहन करण्यात आले आहे.