शाळा मान्यतेसाठी रेट कार्ड; संजय राऊतांचे दादा भुसेंवर आरोप

खासदार संजय राऊत यांनी शालेय शिक्षणमंत्री दादा भुसे यांच्यावर शाळा मान्यतेसाठी कथित आर्थिक व्यवहाराचे आरोप करीत एक रेट कार्ड सोशल मीडियावर शेअर केले आहे. त्यानुसार, अंतिम मान्यतेसाठी ५ ते १० लाख, तुकडी वाढीसाठी ८ लाख आणि इरादापत्र मंजुरीसाठी ५ लाखांची मागणी होत असल्याचा दावा केला आहे. युवक काँग्रेसने मंत्र्यांच्या राजीनाम्याची मागणी केली आहे, तर शिवसेना ठाकरे गटानेही आक्रमक भूमिका घेतली आहे. शिक्षणमंत्र्यांकडून अद्याप कोणतीही प्रतिक्रिया आलेली नाही.