महसूल विभागात 160 अधिकाऱ्यांची एकाच वेळी पदोन्नती

महाराष्ट्राच्या महसूल विभागाने नोंदणी व मुद्रांक विभागातील 160 अधिकाऱ्यांना एकाच वेळी पदोन्नती दिली आहे. ही पहिलीच घटना आहे. दुय्यम निबंधक आणि मुद्रांक निरीक्षक संवर्गातील अधिकाऱ्यांना सह जिल्हा निबंधक वर्ग-२ आणि मुद्रांक उपअधीक्षकपदी बढती मिळाली. यामुळे दस्त नोंदणी व महसूल संकलनास गती येणार असल्याचे महसूल मंत्री चंद्रशेखर बावनकुळे यांनी सांगितले. ही पदोन्नती काही दिवसांपूर्वीच्या 15 अधिकाऱ्यांच्या निलंबनानंतर झाली आहे.