ലോകസഭ പൊതുപരീക്ഷാ ഭേദഗതി ബിൽ പാസാക്കി

പൊതുപരീക്ഷകളിലെ ക്രമക്കേടുകളും ചോദ്യപേപ്പർ ചോർച്ചയും തടയുന്നതിനായി കടുത്ത ശിക്ഷ വ്യവസ്ഥ ചെയ്യുന്ന പൊതുപരീക്ഷാ ഭേദഗതി ബിൽ ലോകസഭ പാസാക്കി. മണിക്കൂറുകൾ നീണ്ട ചർച്ചകൾക്ക് ശേഷം ശബ്ദവോട്ടോടെയാണ് ബിൽ പാസാക്കിയത്. പ്രതിപക്ഷത്തിന്റെ ഭേദഗതികൾ തള്ളി. പുതിയ ബിൽ പ്രകാരം തടവുശിക്ഷ 5-10 വർഷമായും പിഴ 50 ലക്ഷം രൂപ വരെയും ഉയർത്തി. സേവനദാതാക്കൾക്ക് 5 കോടി രൂപ വരെ പിഴയും 8 വർഷത്തെ വിലക്കും ഏർപ്പെടുത്തി.