7 વર્ષથી યુએસમાં રહેતા ગેરકાયદે ઇમિગ્રન્ટ્સ માટે ગ્રીન કાર્ડ બિલ ફરી રજૂ

કેલિફોર્નિયાના ડેમોક્રેટિક સેનેટર એલેક્સ પાડિલાએ 7 વર્ષથી યુએસમાં રહેતા ગેરકાયદે ઇમિગ્રન્ટ્સને ગ્રીન કાર્ડ આપવાનું બિલ ફરી રજૂ કર્યું છે. આ બિલ 2025માં પણ રજૂ થયું હતું પણ આગળ વધી શક્યું નહોતું. તેમાં રજિસ્ટરી પ્રોવિઝનની કટ-ઓફ ડેટને દૂર કરીને સાત વર્ષના સતત રોકાણ, કોઈ ગુનાહિત રેકોર્ડ અને સારા ચારિત્ર્યની શરતે લોકોને લીગલ સ્ટેટસ આપવાની દરખાસ્ત છે. જોકે, આ બિલને પાસ થવાની શક્યતા ઓછી છે અને તેના વિરોધીઓ દલીલ કરે છે કે તે ગેરકાયદે ઇમિગ્રેશનને પ્રોત્સાહન આપશે.