ಬೆಂಗಳೂರಿನಲ್ಲಿ ಪ್ರಾಣಿಗಳಿಗೆ ಉಚಿತ ವೆಟರ್ನರಿ ಆಂಬುಲೆನ್ಸ್ ಸೇವೆ

ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ಬೆಂಗಳೂರಿನ ಪೂರ್ವ ನಗರ ಪಾಲಿಕೆಯಲ್ಲಿ ಪ್ರಾಯೋಗಿಕವಾಗಿ ಮೊಬೈಲ್ ವೆಟರ್ನರಿ ಆಂಬುಲೆನ್ಸ್ ಸೇವೆ ಆರಂಭಿಸಿದೆ. ಇದು ಬೀದಿ ನಾಯಿಗಳು, ಬೆಕ್ಕುಗಳು ಹಾಗೂ ದನಗಳಂತಹ ಸಮುದಾಯದ ಪ್ರಾಣಿಗಳಿಗೆ ಸ್ಥಳದಲ್ಲೇ ಉಚಿತ ಪ್ರಾಥಮಿಕ ಚಿಕಿತ್ಸೆ ಮತ್ತು ಅಗತ್ಯವಿದ್ದಲ್ಲಿ ಆಸ್ಪತ್ರೆಗೆ ಸಾಗಣೆ ಸೌಲಭ್ಯ ಒದಗಿಸುತ್ತದೆ. ಸೇವೆ ಸೋಮವಾರದಿಂದ ಶುಕ್ರವಾರ ಬೆಳಿಗ್ಗೆ 10.30ರಿಂದ ಸಂಜೆ 5.30ರವರೆಗೆ ಲಭ್ಯವಿದ್ದು, ಸಹಾಯ ಆ್ಯಪ್ ಅಥವಾ 1533 ಸಹಾಯವಾಣಿ ಮೂಲಕ ನೆರವು ಕೋರಬಹುದು.