இரு பாகிஸ்தான் வீரர்களுக்கு ஐசிசி தண்டனை

மேற்கிந்தியத் தீவுகளுக்கு எதிரான முதல் டெஸ்ட் போட்டியில் ஆக்ரோஷமான கொண்டாட்டத்தில் ஈடுபட்டதற்காக பாகிஸ்தான் வேகப்பந்து வீச்சாளர்கள் முகமது அப்பாஸ் மற்றும் குர்ரம் ஷாஷாத்திற்கு ஐசிசி தண்டனை வழங்கியுள்ளது. ஷாஷாத்திற்கு போட்டி கட்டணத்தில் 15% அபராதமும் ஒரு டிமெரிட் புள்ளியும், அப்பாஸுக்கு ஒரு டிமெரிட் புள்ளியும் விதிக்கப்பட்டுள்ளது. மூன்றாவது நடுவரின் புகாரின் அடிப்படையில் இந்த நடவடிக்கை எடுக்கப்பட்டது. இப்போட்டியில் மேற்கிந்தியத் தீவுகள் 90 ரன்கள் வித்தியாசத்தில் வென்றது.