शिक्षक पदोन्नती समुपदेशन रद्द, शासन आदेश जारी

जिल्हा परिषद प्राथमिक शिक्षण विभागाने सेवाजेष्ठता डावलून राबवलेली शिक्षक पदोन्नती समुपदेशन प्रक्रिया रद्द करण्याचे आदेश शालेय शिक्षण विभागाने दिले आहेत. कोल्हापूर जिल्हा परिषदेत २९-३० जून रोजी घेतलेल्या या प्रक्रियेत सुमारे २११ शिक्षकांना पदोन्नती मिळाली होती, पण आदेश देण्यात आले नव्हते. शिक्षक संघटनांच्या विरोधानंतर पालकमंत्र्यांनीही स्थगिती दिली होती. याप्रकरणी ७ ऑगस्ट रोजी न्यायालयात सुनावणी होणार आहे.