എഐ 12% കാർഷികേതര ജോലികൾക്ക് ഭീഷണി: ഗോൾഡ്മാൻ സാക്സ്

ആഗോള നിക്ഷേപ ബാങ്കായ ഗോൾഡ്മാൻ സാക്സിന്റെ റിപ്പോർട്ട് അനുസരിച്ച്, ജനറേറ്റീവ് ആർട്ടിഫിഷ്യൽ ഇന്റലിജൻസ് ഇന്ത്യയിലെ കാർഷികേതര തൊഴിൽ മേഖലയിലെ 8% മുതൽ 12% വരെ ജോലികൾക്ക് പകരമാകും. ഡാറ്റ എൻട്രി, ഓഫീസ് അഡ്മിനിസ്ട്രേഷൻ, കസ്റ്റമർ സർവീസ്, ഫിനാൻസ്, ഐടി സേവനങ്ങൾ എന്നിവയാണ് ഏറ്റവും കൂടുതൽ ബാധിക്കപ്പെടുക. എന്നാൽ, എഐ മിക്ക ജോലികളിലും സഹായിയായി വർത്തിക്കുമെന്നും റിപ്പോർട്ട് വിലയിരുത്തുന്നു.