బంగాళాఖాతం వాయుగుండం: ఏపీలో మూడు రోజుల భారీ వర్షాలు

బంగాళాఖాతంలో ఏర్పడిన తీవ్ర వాయుగుండం ప్రభావంతో ఆంధ్రప్రదేశ్‌లో మరో మూడు రోజుల పాటు భారీ వర్షాలు కురిసే అవకాశం ఉందని అమరావతి వాతావరణ కేంద్రం హెచ్చరించింది. ఉత్తర కోస్తా జిల్లాల్లో భారీ వర్షాలు, గంటకు 40-50 కి.మీ. వేగంతో ఈదురుగాలులు వీచే అవకాశం ఉంది. వాయుగుండం ఛత్తీస్‌గఢ్ మీదుగా తూర్పు మధ్యప్రదేశ్ వైపు కదులుతుండగా, రుతుపవన ద్రోణి కూడా ప్రభావం చూపిస్తుంది. లోతట్టు ప్రాంతాల్లో నీరు నిలిచే అవకాశం ఉండటంతో అధికారులు అప్రమత్తంగా ఉండాలని సూచించారు.