తెలంగాణలో ఎస్సీ యువతకు ఎలక్ట్రిక్ వాహనాల సబ్సీడీ

తెలంగాణ ప్రభుత్వం ఎస్సీ కార్పొరేషన్ ద్వారా నిరుద్యోగ ఎస్సీ యువతకు స్వయం ఉపాధి కల్పించేందుకు ఎలక్ట్రిక్ వాహనాలపై భారీ సబ్సీడీ ప్రకటించింది. రూ.1 లక్ష లోపు ఎలక్ట్రిక్ ద్విచక్ర వాహనాలకు 90% సబ్సీడీ, రూ.4 లక్షల లోపు త్రీవీలర్లకు 70% సబ్సీడీ ఇవ్వనున్నారు. మిగిలిన మొత్తానికి బ్యాంకు రుణం కూడా అందుబాటులో ఉంటుంది. రాష్ట్రవ్యాప్తంగా 5,016 ఎలక్ట్రిక్ ద్విచక్రాలు, 2,508 ఎలక్ట్రిక్ త్రీవీలర్లను ఆగస్టు 15 నాటికి పంపిణీ చేయాలని లక్ష్యంగా నిర్ణయించారు. సుమారు లక్ష దరఖాస్తులు రావడంతో అర్హుల ఎంపికకు పారదర్శక మార్గదర్శకాలు జారీ చేశారు.