పెద్దపల్లి జిల్లాలో 84 మి.మీ. సగటు వర్షపాతం

పెద్దపల్లి జిల్లాలో రెండు రోజులుగా ఎడతెరపి లేకుండా కురుస్తున్న వర్షాలతో రైతుల ఆశలు సజీవంగా నిలిచాయి. జిల్లా వ్యాప్తంగా 84.0 మిల్లీమీటర్ల సగటు వర్షపాతం నమోదు కాగా, అత్యధికంగా కమాన్పూర్ మండలంలో 141.4 మి.మీ. వర్షం కురిసింది. వర్షాల వల్ల సింగరేణి ఓసీపీ గనుల్లోకి నీరు చేరడంతో బొగ్గు ఉత్పత్తి నిలిచిపోయింది, మూడు షిఫ్టుల్లో 17 మంది కార్మికులు చిక్కుకుని సురక్షితంగా బయటపడ్డారు. శ్రీపాద ఎల్లంపల్లి ప్రాజెక్టుకు 75,328 క్యూసెక్కుల వరద నీరు వస్తోంది, నీటిమట్టం 11.110 టిఎంసీలకు చేరుకుంది. కాళేశ్వరం ప్రాజెక్టు నుంచి మిడ్ మానేరుకు నీటి ఎత్తిపోత కొనసాగుతోంది.