మాజీ ఎమ్మెల్యే పెద్ది సుదర్శన్ రెడ్డి కన్నుమూత

బీఆర్ఎస్ నేత, మాజీ ఎమ్మెల్యే పెద్ది సుదర్శన్ రెడ్డి (52) ఊపిరితిత్తుల సమస్యతో చికిత్స పొందుతూ మంగళవారం తెల్లవారుజామున 12:50 గంటలకు హైదరాబాద్లోని ఆసుపత్రిలో తుదిశ్వాస విడిచారు. ఆయన నర్సంపేట నియోజకవర్గానికి ప్రాతినిధ్యం వహించారు. మాజీ మంత్రి హరీశ్ రావు మాట్లాడుతూ సుదర్శన్ రెడ్డి గుండె ఆగిపోవడంతో మెదడుకు ఆక్సిజన్ సరఫరా నిలిచిపోయిందని, ఊపిరితిత్తుల నుంచి గుండెకు రక్తాన్ని తీసుకెళ్లే రక్తనాళంలో అడ్డంకి ఏర్పడిందని తెలిపారు. వైద్య నిపుణులు అమెరికా, లండన్లతో సంప్రదింపులు జరిపినా ఫలితం లేకపోయింది.