அரசு விரைவு பேருந்துகளில் பார்சல் வசதி அறிமுகம்

தமிழக அரசுப் போக்குவரத்துக் கழகங்களின் கடன் நெருக்கடியைச் சமாளிக்க, முதற்கட்டமாக 1,000 விரைவுப் பேருந்துகளில் பார்சல் அனுப்பும் வசதி அறிமுகப்படுத்தப்பட உள்ளது. தினமும் 21,515 பேருந்துகள் இயக்கப்படும் நிலையில், கழகங்களின் மொத்தக் கடன் 43,865 கோடி ரூபாயாக உள்ளது. பயணக் கட்டணத்தை உயர்த்தாமல், காலி நிலங்களைக் குத்தகைக்கு விடுதல், சூரியசக்தி திட்டங்கள், வணிக வளாகங்கள் அமைத்தல் போன்ற மாற்று வழிகளில் வருவாய் பெருக்கப்படும் என்று அதிகாரிகள் தெரிவித்தனர்.