मोदींच्या एआय व्हिडिओप्रकरणी मेटा इंडिया प्रमुखांविरोधात गुन्हा दाखल

हैदराबाद सायबर क्राइम पोलिसांनी पंतप्रधान नरेंद्र मोदी यांचे एआय-निर्मित आक्षेपार्ह व्हिडिओ आणि छायाचित्रे प्रसारित केल्याप्रकरणी मेटा इंडियाचे प्रमुख अरुण श्रीनिवास आणि अनेक फेसबुक-इन्स्टाग्राम खात्यांविरोधात दोन स्वतंत्र गुन्हे दाखल केले आहेत. तेलंगणातील उद्योजक एस. अरविंद रेड्डी आणि भाजप कार्यकर्ते टी. साईकिरण गौड यांच्या तक्रारीनंतर ही कारवाई करण्यात आली. मेटाने व्हीआयपी खात्यांच्या सुरक्षेसाठी अतिरिक्त उपाययोजना करण्याचे आश्वासन दिले आहे.