વંદે ભારતમાં પ્રથમ વખત લાઇવ હાર્ટનું સફળ પરિવહન

ભારતીય રેલવેએ ઇતિહાસમાં પ્રથમ વખત વંદે ભારત એક્સપ્રેસ દ્વારા સુરતથી અમદાવાદ સુધી જીવંત હૃદયનું સફળતાપૂર્વક પરિવહન કર્યું. મુંબઈ સેન્ટ્રલ–ગાંધીનગર કેપિટલ વંદે ભારત (ટ્રેન નં. 20901) મારફતે આ હૃદય 217 મિનિટમાં અમદાવાદ પહોંચાડાયું હતું. અમદાવાદના પ્લેટફોર્મ નંબર-1થી યુ.એન. મહેતા ઇન્સ્ટિટ્યૂટ ઑફ કાર્ડિયોલોજી સુધી RPF અને પોલીસે ગ્રીન કોરિડોર બનાવ્યો હતો. આ ટ્રાન્સપ્લાન્ટ યુ.એન. મહેતા હોસ્પિટલમાં થશે.