રાજકોટમાં કાર-ટ્રક અકસ્માતે યુવકનું મોત

રાજકોટના ન્યૂ ગોંડલ રિંગ રોડ-૨ પર કાળીપાટ ગામ નજીક ગઈકાલે સાંજે સ્વિફ્ટ કાર અને ભારે ટ્રક વચ્ચે ભયાનક અકસ્માત સર્જાયો હતો. અકસ્માતમાં કારનો ભૂકો બોલી જતાં ચાલક જયદીપભાઈ વેકરીયાનું ઘટનાસ્થળે જ કરૂણ મોત નીપજ્યું હતું. મૃતદેહ કાટમાળમાં ફસાઈ જતાં ફાયર બ્રિગેડે હાઇડ્રોલિક સ્પ્રેડર અને રસાની મદદથી લગભગ એક કલાકમાં બહાર કાઢ્યો હતો. આજી ડેમ પોલીસે ગુનો નોંધી તપાસ હાથ ધરી છે.