சென்னையில் அடுத்த 7 நாட்கள் மாலை நேர மழை: வெதர்மேன் எச்சரிக்கை

சென்னை மற்றும் புறநகர் பகுதிகளில் அடுத்த 6-7 நாட்களுக்கு (ஆகஸ்ட் 2-8) மாலை மற்றும் இரவு நேரங்களில் இடியுடன் கூடிய மழை பெய்யும் என தமிழ்நாடு வெதர்மேன் பிரதீப் ஜான் எச்சரித்துள்ளார். மாலை 4 மணிக்கு மேல் வெளியே செல்வோர் குடை அல்லது ரெயின் கோட் எடுத்துச் செல்ல அறிவுறுத்தப்பட்டுள்ளனர். வானிலை மையத்தின் முன்னறிவிப்பில் தமிழகம், புதுவை, காரைக்கால் பகுதிகளில் லேசான மழைக்கு வாய்ப்பு இருப்பதாகவும், மீனவர்களுக்கு எச்சரிக்கை விடுக்கப்பட்டுள்ளதாகவும் தெரிவிக்கப்பட்டுள்ளது.