హైదరాబాద్‌లో BRICS అవినీతి నిరోధక సదస్సు ప్రారంభం

హైదరాబాద్‌లో బ్రిక్స్ కూటమి అవినీతి నిరోధక కార్యాచరణ బృందం రెండు రోజుల సదస్సు ఈరోజు ప్రారంభమైంది. కేంద్ర ప్రభుత్వ సిబ్బంది, శిక్షణ విభాగం కార్యదర్శి రచన షా దీనిని ప్రారంభించారు. సరిహద్దులు దాటిన ఆర్థిక నేరాలు, నేరస్థుల అప్పగింత, పారదర్శక పాలన, డిజిటల్ ఆర్థిక వ్యవస్థ, క్రిప్టో, ఫిన్‌టెక్ రంగాల్లో కొత్త అవినీతి నివారణపై సభ్యదేశాల ప్రతినిధులు చర్చిస్తారు. జూన్‌లో జరిగిన వర్చువల్ సమావేశ ఫలితాల ఆధారంగా తదుపరి ప్రణాళిక రూపొందిస్తారు.