मुंबई पोलिसांच्या वेतन घोटाळ्यात ६.५ कोटींची फसवणूक, पाच जणांवर गुन्हा

मुंबई पोलिस दलातील वेतन प्रणालीत मोठा घोटाळा उघडकीस आला आहे. बनावट पोलिस कर्मचाऱ्यांच्या नावावर तब्बल ६.५ कोटी रुपयांचे वेतन काढल्याप्रकरणी पाच अधिकारी-कर्मचाऱ्यांवर समतानगर पोलिस ठाण्यात गुन्हा दाखल करण्यात आला आहे. जुन्या 'सेवार्थ' प्रणालीतून नवीन प्रणालीत माहिती हस्तांतरित करताना हा प्रकार उघडकीस आला. विशेष ऑडिटमध्ये २०१९-२०२० मधील वेतन नोंदींमध्ये तफावत आढळली. रामदास भोगले, सुधाकर कदम, सरजू यादव यांसारख्या बनावट नावांवरून पगार वितरित झाल्याचा संशय आहे. बँक व्यवहार आणि इतर आरोपींचा तपास सुरू आहे.