ગુજરાતમાં હળવાથી મધ્યમ વરસાદની આગાહી, દરિયાકાંઠે હાઈ વેવ એલર્ટ

હવામાન વિભાગે ગુજરાતમાં આગામી 10 ઓગસ્ટ સુધી હળવાથી મધ્યમ વરસાદી માહોલ રહેવાની આગાહી કરી છે. સૌરાષ્ટ્ર નજીક સક્રિય અપર એર સાયક્લોનિક સર્ક્યૂલેશનને કારણે રાજ્યભરમાં વાદળછાયું વાતાવરણ અને છૂટાછવાયા વરસાદી ઝાપટાં પડી શકે છે. દેવભૂમિ દ્વારકા, ગીર સોમનાથ, જૂનાગઢ અને પોરબંદરના દરિયાકાંઠે 3.1થી 3.4 મીટર ઊંચા મોજા ઉછળવાની શક્યતા સાથે હાઈ વેવ એલર્ટ જારી કરાયું છે. 11થી 14 ઓગસ્ટ દરમિયાન સાર્વત્રિક વરસાદની શક્યતા છે.