आरबीआयचा महागाई इशारा, रेपो दर ५.२५ टक्क्यांवर कायम

भारतीय रिझर्व्ह बँकेने (RBI) चालू आर्थिक वर्षाच्या तिसऱ्या तिमाहीत अन्न आणि इंधनाच्या वाढत्या किमतींमुळे महागाई वाढण्याची शक्यता व्यक्त केली आहे. मात्र, आर्थिक वर्षाच्या अखेरीस महागाईचा दबाव कमी होण्याचा अंदाज आहे. पतधोरण समितीने रेपो दर ५.२५ टक्क्यांवर कायम ठेवून कर्जदारांना दिलासा दिला आहे. पश्चिम आशियातील भू-राजकीय तणावामुळे कच्च्या तेलाच्या किमती वाढल्या असून, रुपयावर दबाव आहे.